Коби Брайант

Коби Брайнт

№ 24    Лос Анжелес Лэйкерс
Хамгаалан тоглогч
Хувийн мэдээлэл
Төрсөн огноо	1978 оны 8 сарын 23
Төрсөн газар	Филадельфи, Пеннсилвани
Иргэний харъяалал	АмерикЗагвар:АНУ
Ахлах сургууль	Доод Мерион Ахлах сургууль, Доод Мерион, Пеннсилвани
Биеийн өндөр	1 м 98 см
Биеийн жин	96 кг
Замналын мэдээлэл
НБА-гийн Драфт	1996 / Тойрог: 1 / №: 13
Сонгосон Шарлотт Хорнетс
Мэргэжлийн замнал	1996–өнөөг хүртэл
Лиг	НБА
Замналын түүх
1996-өнөөг хүртэл	Лос Анжелес Лэйкерс
Лос Анжелес Лэйкерс
Замналын оргил амжилт, шагналууд
5у НБА-гийн аварга (2000, 2001, 2002, 2009, 2010) 2у НБА-гийн финалын Үнэ цэнтэй тоглогч (МВП) (2009–2010) НБА-гийн улиралын Үнэ цэнтэй тоглогч (МВП) (2007) 13у НБА-гийн Бүх Оддын тоглолт (1998, 2000–2011) 2у НБА-гийн онооны аварга (2006–2007) 9у Бүх НБА-гийн нэгдүгээр баг (2002–2004, 2006–2011) 2у Бүх НБА-гийн хоёрдугаар баг (2000–2001) 2у Бүх НБА-гийн гуравдугаар баг (1999, 2005) 9у Бүх НБА-гийн шилдэг хамгаалалтын нэгдүгээр баг (2000, 2003–2004, 2006–2011) 2у Бүх НБА-гийн шилдэг хамгаалалтын хоёрдугаар баг (2001–2002) НБА-гийн шилдэг шинэ тоглогчын хоёрдугаар баг (1997) 4у НБА-гийн Бүх ододын тоглолтын МВП (2002, 2007, 2009, 2011) НБА-гийн Слам Данкийн аварга (1997) Нэйсмитийн нэрэмжит оны шилдэг өсвөрийн тоглогч (1996)
Коби Брайнт

Коби Бийн Брайант (англ. Kobe Bean Bryant; 1978 оны наймдугаар сарын 23-нд төрсөн) нь Үндэсний Сагсан Бөмбөгийн Холбооны Лос Анжелес Лэйкерс багт тоглодог Америкийн сагсан бөмбөгийн од юм. Брайант Филаделфиа Севентисиксерс багийн тоглогч асан, Лос Анжелес Спаркс багийн ахлах дасгалжуулагч асан Жөү Брайантын ганц хүү юм. Түүний эцэг эх нэгэн рестораны цэснээс харсан нэр болох Японы Кобэ хотын алдартай үхрийн махны нэрээр хүүгээ нэрлэжээ.
Брайант 1996 онд НБА-гийн түүхэнд анх удаа ахлах сургуулиас драфтлагдсан хамгаалагч болсноороо улс даяар нэртэй болжээ. Брайант, Шакил О'Нил нар Лэйкерс багийг 2000-2002 онд гурван удаа НБА-гийн аварга болгосон. 2003-2004 оны улирлын дараа О'Нил явж, Брайант Лэйкерсийн гол тоглогч болсон бөгөөд 2005-2006, 2006-2007 оны улирлуудад НБА-д оноогоор тэргүүлжээ. 2006 онд Брайант Торонто Рэпторсын эсрэг 81 оноо (хувийн дээд амжилт) авсан нь НБА-гийн түүхэнд хоёрт орох агуу амжилт болсон. Тэрбээр 2007-2008 оны улиралд Өрнөд Бүсэд нэгээр багаа плэйоффт шалгаруулсан тул улирлын Хамгийн үнэ цэнтэй тоглогчийн шагналыг хүртжээ.
2003 онд Брайант Колорадо муж улсын Эдвардс хотын нэгэн зочид буудалд бэлгийн халдлага хийсэн хэмээн тус буудлын нэг ажилтан буруутгаснаар хэвлэл мэдээллийн анхаарлын төвд орж байсан. Брайант энэхүү ажилтантай учир ургуулсан гэдгээ хүлээн зөвшөөрсөн боловч бэлгийн халдлага хийгээгүй хэмээн мэдэгджээ. Брайантыг буруутгагч этгээд гэрчийн мэдүүлэг өгөхөөс дургүйцсэн тул 2004 оны есдүгээр сард прокурорууд хэргийг хэрэгсэхгүй болгожээ.Брайантыг буруутгагч этгээд Брайантын эсрэг иргэний нэхэмжлэл гаргаж, улмаар хэрэг шүүхээс гадуур шийдэгдсэн